Amosando publicacións coa etiqueta vídeos. Amosar todas as publicacións
Amosando publicacións coa etiqueta vídeos. Amosar todas as publicacións

sábado, 13 de setembro de 2014

Navegando en "antigos" barcos...

Como na TVG nunca deberon ver un  currach, pois pensan que as nosas son embarcacións antigas, e claro, antigas antigas non son, que son tradicionais (hai que deixalo claro, non vaia alguén pensar que as desenterramos do Areoso). Imos perdoarllo por sacar uns estupendos primeiros planos dos Mimelos, Lino e Salva. 

E a petición da afisión, aquí vos deixamos o vídeo por se non o vístedes aínda.




mércores, 18 de xuño de 2014

Para que venhades no verán

Nin a NIKE nin BENETTON nin os anuncios do GHADIS. Para propaghandas, as da ENT Dorna!


Escola de Navegación Tradicional, Illa de Arousa, verán 2014 from laurofcastro on Vimeo.


No Areoso

Onte o Rei do Mar tivo un traballo especial: facer de taxi para xente importante. Houbo de levar a expertas do Consello da Cultura Galega ao Areoso, para conheceren o restos arqueolóxicos do illote e comprobaren o seu estado de conservación. 
A visita foi organizada polos Pandulleiros, e facía parte das súas Xornadas de Patrimonio de hai algunhas semanas, mais daquela refacheaba finamente do sur e o galeón estaba convalecente dos seus achaques. En fin, que a cousa quedou para onte. 

A xente importante é a que leva chapeus de palla.
E os Pandulleiros gravaron un vídeo que vos pode axudar a ter unha idea da viaxe. 

 

Agardamos que o CCG consiga sacar adiante medidas para protexer o Areoso.

A imaxe roubeina do twitter de magago; o vídeo do bló dos Pandulleiros, claro.

xoves, 22 de maio de 2014

Un mar de letras 7: a pilícula

Cada ano, a ENT Dorna incorpora novas socias, que ademais de aprender a navegar con nós, tenhen a ben colaborar facendo aquelas cousas que se lle dan ben. Quen sabe desenhar, como Andrea, Malena, Juan ou David da Raposa, desenha cartaces; quen sabe de carpintaría e outras manhas, como Lino P., Lino M. ou Claudio, arranxa o que lle boten; quen sabe de micros, como David Parrumeira, argalla megafonías, quen ten bola de remolque no coche, fai de camioneira e traslada dornas (a que si, Bea) e así todas. Todas temos algo de noso para axudar ao grupo. 

Por iso Barel, recén chegado a Dorna, tivo a ben grabar e editar este vídeo que vos dará unha idea da nosa celebración das Letras Galegas. Podedes aproveitar e escoitar a Parábola do Inverno Atemporalado e o Milagre do Galpón Filantrópico.



domingo, 11 de maio de 2014

Propaghandas 1

No mundo das embarcacións tradicionais non precisamos acudir aos truques propagandísticos tradicionais (basicamente, primeiros planos de cachondonas) para facervos ganas de participar no Mundial de Regatas de Dornas a Vela.

Comeza a tempada!!


Regatas de Dornas a vela, 2014, Illa de Arousa from laurofcastro on Vimeo.


mércores, 12 de marzo de 2014

Ao Traballo!!

Xa sabedes: o 17 de maio eis o está, á volta da esquina. E xa sabedes tamén: pasa o Entroido, chega a Coresma e na ENT Dorna danos por traballar. É dicir, comeza a


TEMPADA 2014!!!

O sábado 15 de marzo, às 17.30 horas, quedamos no local do Naval, para repartir dornas e traballo. Vinde preparadas com funda, luvas, máscaras e orelleiras que temos muito labor por diante.

E para que venhades con vontade de facer moitas cousas e deixar as dornas perfectas, outros novos vídeos de Lauro sobre a nosa actividade estival:

1. Un pouco de cultura viquingueira:


A Dorna, A Illa, A Escola y os vikingos from laurofcastro on Vimeo.

2. Romarías mareiras:


De romería pola Ría, Illa de Arousa from laurofcastro on Vimeo.



sábado, 1 de marzo de 2014

Isto é a ENT Dorna 3: O Bao

Outros dos petiscos gravados e editados por Lauro.

Que facemos polas tarde no Bao? Aprender a navegar!!



Escola Navegación Tradicional de A Illa de Arousa from laurofcastro on Vimeo.

Que é unha regata? Algo máis que unha competición. E se é a do Bao, moito máis!



Regata do Bao, Illa de Arousa, Escola de Navegación Tradicional from laurofcastro on Vimeo.

xoves, 20 de febreiro de 2014

Isto é a ENT Dorna 1

Como sabedes, na ENT Dorna cada persoa asociada colabora como pode e co que sabe para axudar a facer da escola a escolaza que é. 

Lauro, que vive de facer fotos e reportaxes, botou medio verán perseguíndonos coa súa cámara para que as que non podedes vivir con nós a tempada de navegación, vos fagades unha idea do que facemos, do sol que vai, do pouco que chove e do ben que o pasamos no Bao...

O primeiro petisco, este: 

Proximamente máis.