Como xa acabou a crise, seique, este ano na ENT Dorna botamos por fóra. E seguindo as chamadas ao ánimo e à aleghria de Rajoy, argallamos uma superfesta para entregar os carnetes da Escola às novas asociadas.
Fixemos convites, que distribuimos entre toda a nosa xente, simpatizanta ou non, e pedímoslle ao Concello o Auditorio. Como sempre, tan colaboradorinho, o Concello emprestou.
Ghuaue! para ser a primeira vez que faciamos a Gala Podrén, moito público xuntamos!!
![](https://blogger.googleusercontent.com/img/b/R29vZ2xl/AVvXsEgsNXsaj3UpOyrQLveSFE2t6NugHekPC1zvStqf1cV1dsHnMTv0Texrkrs6AL9VZqnrUoDzRajj7Wz7fWV10832Q88EqT5o6ZaqEkL6Jo6FlUu2_Mlq-zJfGcESxJROJuENKfWQOoFr7S8/s640/mucha_nucha_publico.jpg) |
Algún era da casa, claro!! |
Encargamos a Lino McGuiver a decoración do escenario, e cunhas nasas por aquí, unhas redes por alá, uns crivos acolá, oe!, deixounos o chiringuito estupendo.
![](https://blogger.googleusercontent.com/img/b/R29vZ2xl/AVvXsEgN-zMUJenCGulYqvSO0Xvj8pZOE_-gWWODLdb8jbtgFQXR1Fjq-zfChbgb7_pLOCjMpv_29OSmJ8qmUTqRxMW2uZx7cJ72rJK5rqEWqmQpEk-e99P0oFPbn9YX2BOvdnEaCFCm5EOdppY/s640/mucha_nucha_decorazom_chinchorro.jpg) |
E desde cando o chinchorro ten de nome Mucha??!! |
Unha vez cadaquén no seu sitio, comezamos!!
Para que a cousa fose atractiva e entretida, e non parecese un acto mazador, socias de sabida veteranía e experiencia gravaron uns simpáticos vídeos, que xa publicitaremos na nosa canle do yutú, narrando anécdotas e sucesos curiosos acontecidos na historia da ENT Dorna.
Téibol lembrounos aqueles tempos en que era xuiz de regatas, e tantas
ofertas recibía de viaxes ao Caribe e cruceiros polo Mediterráneo por
descualificar unha dorna ou adiantar outra. Aaah, ben puido facerse
rico, e non quixo.
![](https://blogger.googleusercontent.com/img/b/R29vZ2xl/AVvXsEjpJlQm95zceaKVVdEIJ8rxYy02l_eb_Ev7t_R9O55GR1X_1IOsf8cZWRoCpXs-bHU-5zKH7AfrDG_dJFy8h3qbjyOuxjKx17NIQdYjRGCwRC83QlAjr8rGGUzGKhelV-OE2qpw4ZUeYzk/s640/mucha_nucha_batieiro.jpg) |
Entre bateas! |
E falou George, de como chegou de Ghana contratado pola Dorna Real Team para patronear a Faneca, e como quedou na Arousa para sempre, apaixonado das súas praias e fresquinhas augas.
![](https://blogger.googleusercontent.com/img/b/R29vZ2xl/AVvXsEjUp7O-StNzNXQMgemCwdUvfbcl3Ck_keOpvj239CE6ItGcHC7cPWPTbK8YOAIf7X5LgdLiAdgTA1sxumCk2ZNKbJoVji9UbI7-ib1C5cDE2jViZRdwTrymETKBve06f-4bA_r-o32rNpo/s640/mucha_nucha_carlos_blanco.jpg) |
E máis vídeos... |
Outro estranxeiro, este chegado de Inglaterra, Carlos Blanco, contou como chegou à Arousa, cando aínda era reporteiro deportivo na Radio Galega, para retrasmitir a XV Volta à Arousa. Narrou como a planeadora na que seguían a regata engharghallou nas barbas de raposo e acabou a retrasmisión desde a Estela, que daquela ía de novena, miragre! Moito rimos cos seus contos!!
Claro é, os podréns mereceron un protagonismo especial: eles tinhan que, vestidos para a ocasión, demostrar, presentando a Gala, se merecían ou non o carnete de socio.
![](https://blogger.googleusercontent.com/img/b/R29vZ2xl/AVvXsEgrUVY-dSynzo19VTuqP5mtOjx0hIn8CQwNt-uMO-prl6v4Wei_eU4CDN0tvYKwwLuQaRG33RdU6c3u8KsK07plU1iIURtcx1ni1Kod6sRmnNgW3Rcapqw7uVXhhUrVR_36LXEQxTx7EGE/s640/mucha_nucha_podrens.jpg) |
O Marquitos e o Jose Antonio aínda se saban ben... |
Un deles, o Marcos, andaba dálle que dálle con que era da Arousa de toda a vida, carcamán repoludo. A nós quedounos a dúbida, porque nunca antes o viramos por aquí, porque non sabía o que era a proa nin a popa e porque nin sequera soubo dicirnos por que nome corre a súa familia, e mira que o tinha fácil...
E seghimos a ver vídeos de xentes da ENT Dorna:
Thais contou como foi ela a primeira muller en ganhar unha Regata de Bao, no ano 2010, despois de aparellar a dorna Reghalada en 28 segundos e pasar na ponte à Jalerna e à Nécora. Aproveitou para levarnos ao Obradoiro de Memoria que coordina, onde as vellas glorias da Arousa contaron daquelas Regatas a Remos dos anos 70... ai, tempos!!
E chegou o momento importante: o de retrasmitir a proba final do curso de iniciación à navegación tradicional. Aprobarían estes rapacinhos novos?
![](https://blogger.googleusercontent.com/img/b/R29vZ2xl/AVvXsEg23EoiGgf2GdWFIbLODcrQNwDkOp3NQQvnjhh91kXOR05CzJk1enkmZzPqwh_66C1OsACSu6bOcmMnJndWsiAEEnB-be24n3_nQFmQ6IbHbuMkDmtlXxmKmWPThfGntnW208uxEX6RG2s/s640/mucha_nucha_salvadurito.jpg) |
Pregunta 5: que tipo de embarcación é a Nova Marina? |
Herr Direktor por fin se dignou a sacalos do apuro: foi repasando erros e acertos do exame (que o que hai no escenario é poliéster, podréns!!).
![](https://blogger.googleusercontent.com/img/b/R29vZ2xl/AVvXsEjCvF3iG4YDydkTJLZNR2B4CBJYxfUWHPV6d6Eu8i6RVivMGxPAKLApdseyJZCg81pqrE2QKKewQ2vXtCDZ6yN4ZcWWPuabDlbuBesfkpvipra-f-5Qsmod0U5h8lgVGrRdqRRmBSl-Lrw/s640/mucha_nucha_salva.jpg) |
- Aínda non vos quedou claro o que é couso e meo... |
Porén, como a noite foi divertida e Kevin e o Puskas puxeron da súa parte para dicir con e non penedo, decidimos darlles os carnetes e admitilos na familia dorneira.
![](https://blogger.googleusercontent.com/img/b/R29vZ2xl/AVvXsEg7BFv-6bNbV30GXjWfd__DYywzBcglFj7jXuLQEMhXlxFq-5heH-qw889nqhJZt9A0tkk6uJncuPWTmfiUmuNjrfk-5_tb2_ikCprEdBsGTdzTB6KyiSERg7yen7yTAXVGM5-VHIIagqA/s640/entraga_carnes_15.jpg) |
Entrega oficial dos carnetes correspondentes ao ano 2015. |
Aínda pasaron máis soci@s da ENT Dorna polo escenario, pero como chegadas a este punto non temos máis fotos, que aquí o cámara nos botou a bronca, pois demos por acabada a I GALA PODRÉN.
Para o ano, máis (se a crise é verdade que acabou)!