mércores, 25 de decembro de 2013

Xa é festa na ENT Dorna

O apalpador pasou esta noite pola Arousa e, despois de apalpar as barrighas de todos os nosos barcos, e comprobar que van ben de pintura e alquitrén, deixou para todas vós este vídeo, elaborado por Lauro, e que representa os desexos da ENT Dorna para o próximo ano. 
Veu cargado o apalpador, tamén, dunha manchea de bicos e apertas para a Laverca de Bea, que xa lle podedes ir dando.



ENT POSTAL DE NAVIDAD from laurofcastro on Vimeo.

sábado, 7 de decembro de 2013

A Mudanza na prensa

A imaxe roubámoslla a Iñaki Abella, que agardamos non se enfade.
Hoxe no FarodeVigo adican unha reportaxe á nosa mudanza. Nós xa sabiamos que algho farían, porque o senhor redactor até axudou a carrexar dornas. E aí podedes ver unha panorámica  do megalocal que nos deixaron para as embarcacións. Porque o FarodeVigo ten cámaras e fotógrafos con xeito, non como este bló.



venres, 6 de decembro de 2013

De mudanza

Grande tarde de traballo, ou tarde de grandes traballos, segundo se mire!

Às 15.30, hora carcamá, xa había un bo lote de xente no Bao, debatendo como organizármonos para acabar antes de chegar a noite. Que ben se nos dá debater!

Xa nos sae colocarnos para facer asemblea por intuición!
Este, o traballo do día: carretar todas estas dornas ao local novo.

Organizamos dous grupos de paleadoras, un no Bao a palear dornas parriba, e outro no Naval a palear dornas pabaixo. No medio, tres choferes para tres carros.

A Raposa foi a primeira en embarcar (mentres o amo andaba ao palique).
O Ro preparaba Caramecha para ser a seguinte.
A alghún témolo para facer peso e nada máis...
O de trincar é para mans espertas que levan 25 anos acarretando dornas, seique.
Podréns: clase debalde! Observade a imaxe!
Se algún día vos faltan cabos para amarrar a dorna no remolque e trincar ben o pau, usade o cabinho da escora...

- E ti querías ir a vela! Mira que calma podre!

Na Arousa as normas de tránsito son orientativas: para que queremos matrícula!
Os estragos do inverno víanse ben nas dornas que recollemos. Non é que estean perdidas, mais van dar bo traballo. 

Á Sapeira marchoulle a metade da pintura nova do trinque.
O sol baixaba e o traballo non tinha traza de acabar: daríanos tempo?
Coa Soínha embarcada pouco quedaba por facer....
...nada menos que o traballón: cargar a Laranha!
E aquí, outra clase debalde: a Laranha é buceta, non dorna. E iso, que parece unha parvada, fai difícil os seus traslados porque non ten escarva à que lle botar as mans para levantala, co que pesa, o raio da condanada!! Nova proba da perfección construtiva das dornas, que até agharradeira tenhen.


Ai, que marcha o sol!! Imos para a Hatchery!!
Na Hatchery tocaba cargar a planeadora, outra vaca no maínzo!
Acabamos de cargar xusto co sol caíndo no mar. Todo medido e calculado!
E puidemos gozar do pór do sol como premio à grande tarde de traballos
Cando acabamos de descargar e organizar no local novo, xa era noite.
Por iso non volo podemos ensinar: non se vía nada cando demos chegado a el. Na imaxe, Avilés levanta a man para dicirvos que manhá toca baleirar a nave de Vilaxoán (temos alá, cando menos, oito embarcacións). As que poidades, sábado 7 de decembro, às 15.45, na nave da Mariscadora



xoves, 5 de decembro de 2013

Tradución oficial...

Outra vez a carretar, mais desta con ghabáns!
 
...dos comentarios de Salva: 

QUEDADA para facer a mudanza:
  • CANDO? venres e sábado,  6 e 7 de decembro
  • HORA? 15.30 (horario de inverno, as persoas remolcadoras) 15.45 (o resto do persoal)
  • ONDE? no Bao. En Vilaxoán, menos as remolcadoras.
  • A QUEN AVISAR? a Salva, no ghuasá ou com sms.


A TRABALLAR!!

Temos casa!!

A nova sae hoxe no Faro de Vigo. Pincha aquí para a ler.
 
Como sabedes, andamos este outono buscando unha boa cova onde refuxiar as nosas embarcacións para hibernaren. E parecía que non faciamos nada, mais era xusto iso: parecía. 

Nestas últimas semanas estivemos submerxidas nun proceso negociador, sempre cruzando os dedos e pendentes de que chegase ese SI QUERO final que, ao final, chegou. Todo grazas ao Concello da Arousa, que se implicou no tema todo canto puido.

O caso é que había un baixo no Naval no que nos cabían todas as dornas. Claro que o baixo tinha amo. E ese amo (amónimo ímoslle chamar, porque non desexa ser publicitado) antes de nos ceder o espazo encargou un estudo de mercado a ArturinhoEAnderson, uma das grandes consultoras mundiais. A AEA enviou a um par de técnicos á Arousa, entrevistou a posíbeis clientes (igual vos fixeron un inquérito pola rúa; eses eran), e analisou o movemento de tráfico rodado no Paseo.

Conclusión: o local, para libraría, case mellor que non; para tenda de electrodomésticos, demasiado grande; para perrucaría, moi venteado (alá van as permanentes!); para hiper, moi esquinado; pero, oe, para gardar dornas, boísimo!!

E isto foi o que inclinou a balanza ao noso favor, puidemos descruzar os dedos, e aledarnos porque xa temos onde gardar os barquinhos.

Estade pendentes para o día da mudanza.