Toda a semana argallando a travesía para ir a Combarro!
Como o Rei do Mar anda convaleciente da caixa dos fueghos non podíamos contar con barco de remolque. Só podiamos levar (só!) a Peza de Rabo e a Nova Marina e a Salgharita.
E toda a semana a vixiar os ventos, as chuvias e as néboas e a organizar embarcacións... E chega o xoves e daban calma e néboa e só podréns e anotadas para a viaxe.
E dixo herr direktor: Así non ides! Mellor por terra en dornas pequenas!
Nuestro ghoso en un poso!!
E combinamos o venres de manhá no Bao para cargar dornas en remolques e atravesar a Armenteira (grande porto de montanha, toda unha aventura) para chegar a Combarro...
![](https://blogger.googleusercontent.com/img/b/R29vZ2xl/AVvXsEgkgUuEicxjihGjbLLoS6lQsQr6mEo7hgspvVpXP28tKxXGXu_GW8hJQJJYYxlz94f2PKw3ef2ADWR9LtUZMp8k-zJe3E-XK0RAAQhNHtltR0gjotZLdY-v0f6j1eTf4TowKeF5cxAGXJc/s640/travesia_Combarro_fondeo.jpg) |
Nooon, Bea, a buceta non nos colle no remolque! |
Quen dixo tal! Para iso estou eu aquí!!
![](https://blogger.googleusercontent.com/img/b/R29vZ2xl/AVvXsEipdcsjtj9quSJs8ucqUTKIVNnbgoWsITIUn0mZJ2VUdhzPAz5Cvi1hCf8ouj2Ef5VPj3dPjkZSn1GBqRkRKFQ3IPHzPAcV4bYMM73CXIXlnf2_omZnAABaq1xqkIu3Dvr1KKEudTgmCCQ/s640/travesia_Combarro_patroa.jpg) |
SUPERSALGHARITA ao rescate!! |
- Imos de travesía coa Salgharita, e eu de patroa!!
- Ai, eu non me atrevo. Salva dixo que daban calma...
- E non collemos comida...
- E xa é moi tarde...
- E non avisamos a Salvamento en Fisterra...
![](https://blogger.googleusercontent.com/img/b/R29vZ2xl/AVvXsEhG1cUovk-6Mcbw1QbW4OyN6cW-ZlFtfsxuINUNqU_Fne4qX5jHtRutKuGgyMRSyYE5bOfCovy-qYftPCfbKQ7yXi2zJlntPkuirooWd-yfQAWvoO2ebZuHo0p8bFojo1kS_hagI4tUAtw/s640/travesia_Combarro_embarcas.jpg) |
- A ver, embarcas ou non? Nós imos! |
- Boh, ló eu tamén vou...
E alá marchamos, felices de travesiar polo mundo adiante.
![](https://blogger.googleusercontent.com/img/b/R29vZ2xl/AVvXsEhUg22EYRJUzhWj7P-e5sUQnhlseqNXX4XaVx6ohUphuBYpDXyc-NSVizyaj-vClYd0XO9ENaVkYyOE45HJLFdHsCvxnGrvS32eJW7E41QmxyY3HmBGMgoRGzymfOKjip-dHJFEIBjab30/s640/travesia_Combarro_velalta.jpg) |
Aínda que voltamos à planeadora a roubar chaleques... |
A travesía comezou ben. Viramos a Punta do Furado por perto das bateas, para evitar os cons, pasamos por fóra do Campelo sen problema e puxemos proa a Rúa, para enfiar desde ali entre o Areoso e Ghidoiros...
Iván ía estudando as cartas vía google on the sea e Salva (o podrén, non herr direktor) traducía as indicacións para a patroa.
![](https://blogger.googleusercontent.com/img/b/R29vZ2xl/AVvXsEjW-YoAL-ouhXYTG8SulLU3kJAaSe1-utkVCL231xoPU-ArMNP8osE2THP7et0YJlT_49WgHgQqEGcL8qET9xQJAshQ7q9duF2JBnPD3x8ZSCYSu6wjjkWIz9X2q2Yosv86_8fj94PFEAM/s640/travesia_Combarro_pati_cana.jpg) |
A verdade, a cousa ía moi ben... |
Até que Salva (herr direktor, non o podrén) tivo razón!
Chegou a calma!
Pasado o Pombeiro, xusto onde sempre, por fóra da Lanzada, unha encalmada como nunca viramos. Unha solleira insoportábel, tendo en conta a escasez de víveres na embarcación... Mudamos a vela de banda (agora podemos, que recortamos o pau), fomos todas para popa, voltamos todas para proa, baixamos vela e fixemos casota, subimos vela e montamos toldo... buuuuuff!
![](https://blogger.googleusercontent.com/img/b/R29vZ2xl/AVvXsEjdRVqgYKMksbdo7RQBP1XFCazBSvBBUVhdZNTs4GzPNGbZKVgPNV_7lvQFrjF4IF6noUvC23arlrDl8q4f89Fb3KoiAxs2yDFnBVZ7JPA5JGSPvqBYOnMxKPZhMBf6lx_x2F2JBpt2UgA/s640/IMG_20160804_175604701.jpg) |
A única solución: cacharretas de auga... |
Pobre Nela.
Pasaban das catro da tarde e nós na Lanzada, sen mexernos, mareadas, con sede. E como sempre, despois da calma chegou, a tempestade?, noooon: a fame!!
Nda que levar á boca. Nin unha triste concreta! Nin un chicle de menta! Nin un caramelinho tan sequera! Sen palabras estabamos, lamentando acompanhar á SuperSalgharita na súa aventura de desobediencia. Ai, por que? Por que retamos o destino?!?!?!
Botamos a sortes quen se sacrificaba polo grupo. Ao mar! A facer de cebo para conseguir alimento!
Nooooon! Non lle tocou à Nela, non!!
![](https://blogger.googleusercontent.com/img/b/R29vZ2xl/AVvXsEhRt-cZnUUxb8dLCZlrtYf2NO3bsTxkI_VT6Z9ljgCYQopj33FZxNSKX9AXKdTbPo_MMN9S1jqI-_jqvpfPQZrU9pnzLxAfvGgIHYrYTf7tpQeuH8eONFpTmjzaoAmf5qWFYg5K8s_OFpY/s640/travesia_Combarro_naufraga.jpg) |
E aínda pescou botellas de auga a rapaza!! |
Tamén é verdade que tanto tempo na encalmada, fóra da ría, dá para un dos máis fermosos espectáculos faunísticos que nos ofrece este mar:
![](https://blogger.googleusercontent.com/img/b/R29vZ2xl/AVvXsEiO05diwoXPiA_FfaeOlVdpNKgkbGw2MlJccrf-meSYb23QtHjAwpt5MWyZJ-Ye3Jcu0uTXZnYiUviCL6nISccb8iIrqghgkqQEZwo9nIQM6fm0d5dBptaQ96cQaRYQW8baOR4ElOpZQik/s640/travesia_Combarro_arroases.jpg) |
Ver de perto (e case tocar coa man) enormes arroases! |
Levadas pola maré, demos pasado punta Faxilda. E con nada de vento buscamos evitar Cabicastro.
![](https://blogger.googleusercontent.com/img/b/R29vZ2xl/AVvXsEjL2v3XefjxwBGGSqJZAeHvxGwY4ItyuDsmj2pB-WrgsuTFnWYt9jBGp_wejX_3TXI4DwMB4FhUrtr2u2K0ab-JFJRXDxPOaLju2KuMLk2UcE1B6bgq2l29TRf2UYN1RlKg81Pc9fzh6eA/s640/travesia_Combarro_sesta.jpg) |
Tan pouco era o vento que a piqueira podía botar sestas.... |
Cando o nivel de paciencia chegou ao límite. Cando estaba a punto de rebentar o motín. Cando xa a Nela salivaba raiba e a blogueira rancor, visionamos Tambo, esa illa. Que alivio tan grande!!
![](https://blogger.googleusercontent.com/img/b/R29vZ2xl/AVvXsEiIwiqfvqexeQvm3TDhVnu3NaW9V5FjmyNShQO0PDgu34GQH4krXOcOsNtz-e1qbkJQJygqwNcYECIVMQfEOSYyNFXntnc1VjCWFzxoNsOwS4NUaO8MNOXDGO6qZM8VrzWLS0NE7cKhPyQ/s640/travesia_Combarro_tambo.jpg) |
Ai, que alegría!! Pasamos Tambo!! |
![](https://blogger.googleusercontent.com/img/b/R29vZ2xl/AVvXsEiO9RfpaMgRGqzxnTzjiBBIarFnIEPqhvw7ooKYD5tLV2WdWvSQIwHuaA8gJ3TEJeQI7EukIum0zxXG_0jPUBCk9UAnwNVE0BfL_PxQFYZ39Of-KOPJCbob_UMe1DqpaZtLvrlN4KcIHfk/s640/travesia_Combarro_chegada..jpg) |
Ai, que alegría! Chegamos a Combarro!! |
Ui ui ui ui...
![](https://blogger.googleusercontent.com/img/b/R29vZ2xl/AVvXsEgRlnYCEQSXQnA7sz6Nx5yIcpFFPSaYodEVODYNTrho87T71zuR3W74rQ_FfZ2bPnPE2f49Dx6qiME0KKRd49tOpcZ8SalaeDYuiH_iinx0Goge5eJTlMKk9kL6LBwH3qqPAw7DKWjc1tQ/s640/travesia_Combarro_Combarro.jpg) |
Cando saiba herr direktor!!! | |
Seguro que non esperaba isto de nós....