Mes da tecnoloxía

Durante este mes, unha vez que gardamos as dornas todas no gharito do Naval, ao coidado do Nolito que, outra vez!!, voltou aparcarnos o porchito na porta, a verdade é que nos encontramos con moito tempo libre. 

Non hai que pintar, non hai que argallar regatas ou pachangas, non hai que pasear o Rei, que anda ocupadísmo alá polas catalunyas secesionistas, non hai... 

SEMPRE HAI QUE FACER!!

e, se non, INVENTAMOS. 

Como na ENT Dorna temos un mcguiver pero non un Dr. Bacterio, nin un Dr. Franz de Copenhage, nin un Beakman, alá mandamos ao noso xerifalte a consultar co oráculo actual dos tecnólogos dorneiros, para que lle pasase os planos e instrucións inventorís. Como sabiamos que o senhor ese de Aguinho non nos había pasar información, por iso da espionaxe indutrial, puxemos unha escusa para a visita e a apropiación do material.

O Dr. Ayaso dando ao aprendiz as medidas da Chíscala.

E cos planos no peto, como se dun tesourinho se tratase, voltou da outra banda da ría herr direktor, e tivemos asemblea e pasamos á acción...

Comezando a pegar gonzos e charneiras nas rótulas dos quebradizos.

O virabrequín das mangueiras de presión botando chispas.

Mimá! Cacho axuste do rodamento direccional!!

A verdade é que o traballo foi brutal. O esforzo mental gastado, moito. Tanto, que algúns días do mes da tecnoloxía renunciamos a chaves e martelos para destinalos á relaxación, sempre tan necesaria. 

Enchoupando um pouco tai-chi.

O resultado final non puido ser mellor. Sempre a combinación de tradición, talento, traballo colaborativo e jai-tec funcionaron: 

...e demos por acabada a Patineta de Dornas!!