Xuntanza da Revista DORNA

Como sabedes por este blogue, hoxe tivemos unha reunión no IES da Arousa para botar a andar o próximo número da Revista Dorna. 

Despois de grandes debates e fundas reflexións acordamos o seguinte: 

As persoas interesadas en enviar (propostas de)artigos ou colaboracións artísticas (ilustración, pintura, fotografía...) podedes facelo até o 1 de Marzo de 2014, data en que pecharemos a recepción de colaboracións. 

Non hai condicionamento temáticos, podedes abordar o tema que vos interese desde a perspectiva que queirades.

As condicións técnicas son as que seguen:

• Os textos en formato .doc ou .odt. Non vos matedes con tipografías ou decoración de títulos porque imos editalos despois.
• Fotografías e ilustracións de acompanhamento nun cartafol à parte do texto. 
• Podedes engadir unha suxerencia de maquetación, se vos apetece, mais sempre que cumprades os dous puntos anteriores.

Podedes enviar as vosas colaboracións e/ou dúbidas e suxerencias á seguinte conta de correo electrónico: revistadornaarrobagmailpuntocom. Xa sabedes, a arroba e o punto, de verdade.

A próxima xuntanza marcámola para o 20 de Febreiro às 17.30 horas no IES Illa de Arousa. Estades convidadas!