xoves, 9 de agosto de 2018

II CONCURSO DE FOTOGRAFÍA E.N.T. DORNA


Despois do gran éxito do I concurso de fotografía E.N.T. Dorna e por petición popular, xa está aquí o II CONCURSO DE FOTOGRAFÍA E.N.T. DORNA.

O ano pasado quedounos clariño que o que viades eran dornas pero queremos que continuedes amosandonos como nos vedes.

Envía as túas fotos a colabora.dorna@gmail.com antes de que fiquen esquecidas co frío do inverno e participa.

BASES I CONCURSO DE FOTOGRAFÍA E.N.T. DORNA
Participantes:
Podrán participar todalas persoas que o desexen, sexan profesionais ou aficcionados sempre que os traballos se axusten as bases. As fotografías podrán ser tomadas con calquer dispositivo xa que a resolución non será unha restricción.
Temática:
Establecense duas modalidades:
1. Regatas Illa de Arousa 2018. Imáxes entendidas libremente polo autor que teñan como referencia calquer aspecto da regata de dornas a vela celebradas na Illa de Arousa no 2018 (riqueza paisaxistica, cultural, artísca, deportiva, humana, etc...)
2. Fotografías con historia. Imáxes con máis de 15 anos representativas da navegación tradicional a vela na Illa de Arousa
-       As obras entregadas deben ser orixinais e os participantes autorizan expresamente o seu uso parcial ou total pola Asociación cultural e deportiva Dorna.
Formato de inscripción:
- Para participar deberá enviar as suas fotos en cor ou branco e negro antes do 2019 o e-mail: COLABORA.DORNA@GMAIL.COM indicando, nome do autor, teléfono,  lugar onde se obtuvo,  categoría a que postula e título de la obra.

- Podense enviar todalas fotografías que considere anque so se aceptarán a concurso un máximo de 2 fotografías por autor.
Xurado:
- O xurado estará composto por representantes da E.N.T. Dorna e algúns participantes da regata Regata do Vao 2018

Premios
- Categoría regatas Illa de Arousa 2018
1º premio: Agasallo sorpresa, foto no cartel da regata do vindeiro ano e tarde de navegación para 2 persoas
2º premio: Agasallo sopresa, camiseta da regata, tarde de navegación para 2 persoas                   
3º premio: Agasallo sorpresa, tarde de navegación para 2 persoas                                         

 
- Categoría fotografías con historia:
                1º premio: Agasallo sorpresa, camiseta da regata, tarde de navegación para 2 persoas
    
 O resultado do concurso e entrega de premios realizarase o día das letras galegas (17 de Maio 2019)

Observacións:
Agradecese o envío de calquer documentación(fotos, videos, documentos...) para a creación dun arquivo dixital común.
 
Todo esto facelomolo para que dar a coñecer e que que non se abandoen estas embarcacións tradicionais e toda a cultura que rodea estas embarcacións. A túa participación axudaranos a tal labor, axudanos a que todolos anos poidas ver moitas velas no mar e si te animas a navegar... so tes que falar con nos.
A participación neste concurso implica a total aceptación das bases reguladoras do mesmo.


domingo, 30 de xullo de 2017

I CONCURSO DE FOTOGRAFÍA E.N.T. DORNA



¿E unha regata ou o rescate dalgún que vai polo mar abaixo?

¿Son jamelas?, ¿bucetas? ¿botes? ¿dornas?

 Para sair de dudas chega o 

I CONCURSO DE FOTOGRAFÍA E.N.T. DORNA

Queremos que nos mostres como nos vés. 
Envía as tuas fotos antes do Xóves 24 de Agosto o e-mail colabora.dorna@gmail.com e participa.


BASES I CONCURSO DE FOTOGRAFÍA E.N.T. DORNA

Participantes:
Podrán participar todalas persoas que o desexen, sexan profesionais ou aficcionados sempre que os traballos se axusten as bases. As fotografías podrán ser tomadas con calquer dispositivo xa que a resolución non será unha restricción.

Temática:
Establecense duas modalidades:
1. Regata do Vao 2017. Imáxes entendidas libremente polo autor que teñan como referencia calquer aspecto da regata de dornas a vela a celebrar o 5 de agosto (riqueza paisaxistica, cultural, artísca, deportiva, humana, etc...)
2. Fotografías con historia. Imáxes con máis de 15 anos representativas da navegación tradicional a vela na Illa de Arousa

-       As obras entregadas deben ser orixinais e os participantes autorizan expresamente o seu uso parcial ou total pola Asociación cultural e deportiva Dorna.

Formato de inscripción:
- Para participar deberá enviar as suas fotos en cor ou branco e negro antes do 10 de Agosto de 2017 o e-mail: COLABORA.DORNA@GMAIL.COM indicando, nome do autor, teléfono,  lugar onde se obtuvo,  categoría a que postula e título de la obra.

- Podense enviar todalas fotografías que considere anque so se aceptarán a concurso un máximo de 2 fotografías por autor.

Xurado:
- O xurado estará composto por representantes da E.N.T. Dorna e algúns participantes da regata Regata do Vao 2017

Premios
- Categoría regata do Vao 2017
1º premio: diploma acreditativo, foto no cartel da regata do vindeiro ano e tarde de navegación para 2 persoas
2º premio: diploma acreditativo, camiseta da regata, tarde de navegación para 2 persoas                   
3º premio: diploma acreditativo, tarde de navegación para 2 persoas                                         

 
- Categoría fotografías con historia:
                1º premio: diploma acreditativo camiseta da regata, tarde de navegación para 2 persoas
                2º premio: diploma acreditativo, tarde de navegación para 2 persoas
                3º premio: diploma acreditativo

Observacións:

Agradecese o envío de calquer documentación(fotos, videos, documentos...) para a creación dun arquivo dixital común.

A participación neste concurso implica a total aceptación das bases reguladoras do mesmo.

venres, 17 de febreiro de 2017

I REGATA DA TEMPADA: Ribeira do Chaso



Pois si. Este ano deunos pro aí: o Luns 27 de Febreiro agardamos por vós na Ribeira do Chazo para a primeira regata na banda do sur (da Arousa).



e para quen non as lembre desde a Regata do Marisco (boh, tampouco foi hai tanto tempo!), lembramos as normas de regata. Nin Entroido nin punhetas! Hai que respetar a seguridade: chaleques, remos e flotabilidade!!




luns, 6 de febreiro de 2017

Que andaredes a facer??!!

O inverno é longo e frío. E para quecer nada hai mellor que pór a andar as neuronas. Pensar para mellorar o mundo. 

Comezando polos bancos de carpinteiro...
Fartas de serraduras? Até a punta do curuto de cambiar táboas podres? Aborrecidas da ghuvia, o formón, a lixadora??

TRANQUILAS!

O equipo JAI-TEC da ENT Dorna traballa nos seus laboratorios secretos nos fondos das NASAS, para conseguir os materiais máis acaídos aos tempos modernos que vivemos... 

Aínda non conseguimos eliminar a madeira toda...
Pero case!

Axudadas pola maquinaria máis sorprendente (sabiades que existía isto? nós, ignorantinhas,  non)
Estamos a dar forma a un novo modelo de dorna... 
...fabricado nun innovador material formado por varias capas de papel superpostas, a base de fibra virxe, tamén chamada polpa. É tan groso, duro e resistente como a madeira, e non lle entra a couza. 

É máis fácil de traballar que o pinheiro...
E sen serraduras que incomoden às alérxicas!
Cremos que na próxima regata serán as novas dornas as que ganhen todos os trofeos... 

Protótipo JAI-TEC RECYCLING
O da auga estamos a miralo, pero cremos que cunhas pinturinhas de témpera van deslizarse pola tona da auga como prinsesas... 



xoves, 8 de decembro de 2016

Elecións, elecións!!!!

Pero para que sexan, 

Asemblea! Asemblea!! Asemblea!!!


Manhá (si, manhá, que pasa, avisamos cando podemos!) 9 de decembro, na Sala de Plenos do Concello da Arousa (iso é nivelito, imos ocupando espazos...) 
às 17.30 horas en primeira convocatoria, às 18.00 horas en segunda (escusades chegar à primeira, claro!) 
teremos ASEMBLEA EXTRAORDINARIA DA ACD DORNA, na que trataremos os seguintes pontos: 

  1. Aprobación da acta anterior
  2. Estado de contas e
  3. CONVOCATORIA de NOVAS ELECCIÓNS

Queres ser PRESIDENTA da ACD Dorna? Este é o teu momento!! O de manhá é o teu día!!

A ver se xuntamos tanta xente como o equipo diretivo rebelde do IES ;) (A foto do FdV.)

luns, 28 de novembro de 2016

Aqueles tempos Insubmisos

As máis novas non lembrades, porén non hai tanto tempo os mozos deste país tinhan que render contas militares e pasar parte das súas vidas aprendendo a matar e morrer pola(s) patria(s) encerrados en cuarteis. 
As máis novas non o lembrades, porén chegaron tempos en que a sociedade dixo que xa estaba ben e un bo grupo de mozos se negou a participar desas modernas levas, emerxendo o movemento antimilitarista e de insubmisión. 

E como o 9 de decembro, no Auditorio da Arousa imos poder ver a obra teatral Goldi Libre, memorias dun insubmiso en tempos de Felipe González, ocorréusenos vir contar desas outras hisstorias da mili, as daqueles que non quixeran ir a ela. 

Así que o 1 de decembro, ás 18.00 horas, no Con do Moucho, vanse xuntar unha panda de insubmisos dentro e fóra dos cuarteis para contar as súas experiencias e lembrar às novas, que xa non lembrades, que por eles viver condenados, vós non estades obrigadas a facer servizo militar. 

Xuntaranse no evento: 
  • César Goldi, insubmiso condenado e actor
  • Elías Rozas e Ramiro Paz, insubmisos nos cuarteis e condenados polo rexime militar
  • Manuel Seixas, filósofo antimilitarista
  • Carlos Blanco, insubmiso autoinculpado

Achegádevos e sabede da historia deste país. 


domingo, 2 de outubro de 2016

Unha marinha para a Nova Marina

... e para as demais embarcacións, claro!

É máis, para todas!!

E para conseguilo venhen de xuntarse, cousa nunca vista, as asociacións todas que na Arousa protexen e difunden e practican e celebran a navegación tradicional: Fasquía, Calmoseira, Komaira, Caramuxo e Dorna. Só por iso, por ser quen de porse as cinco de acordo, deberían facernos caso. 

A proposta e crear unha marinha tradicional no espazo do Chufre que hoxe ocupan as planeadoras e que seique van librar proximamente porque seique Portos por fin vai atender as súas reclamacións dun abrigo digno para os barcos da terceira listaxe. Seique.

Ai, eses pantalancinhos cheos de dornas!! Quen os verá!!

Saímos todas ganhando: quen vive do mar, porto digno, quen mantén viva a navegación tradicional, porto digno. 

Que vaia avante! 

Para as que queirades saber máis do asunto, podedes ler aquí.