domingo, 17 de agosto de 2014

Regata do Bao: ai ese nordés!

Onte o vento do nordés daba duro na praia da Canteira. As previsións do wendigurú eran pesimistas, pois daban refachos de máis de vinte nós ao  longo da tarde. A organización aguantou até o último momento para tomar a decisión, porén, às 15.00 horas, foi decidido adiar a XXVI Regata do Bao

A verdade é que este ano entre o vento e a chuvia conseguiron alterar practicamente todo o calendario de regatas!!

Como a previsión de vento para esta manhá era máis favorábel, as persoas que acudiramos ao chamado da fama e os trofeos, acordamos facer a regata nesta manhá de domingo galego mártir, 17 de agosto. E de mártires foi erguernos tan cedinho, abandonar as misas, para descobrir, outra vez, o mar floreado. Pero como o vento foi quedando, finalmente, às 11.30, demos a saída, POR FIN!, único momento do que temos imaxes, por agora. 

22 dornas na mallante... preparadas para partir.
Carreira con vela ao lombo!

Espectaculares esas drisas a revoar...
A primeira que botou vela arriba, cremos que foi a ganhadora.
Porque aínda outras pelexaban con temóns e amuras...
Quen ganhou? 

A Carinhosa!!


O resto da clasificación, manhá, que a blogueira na súa ansia faminta, deixouna no Bao.


As fotos son do feisbu de Manuel Cores Fernández. Obrigadas.



4 comentarios:

  1. Esta información non é certa. Gañou a Laverca que completou as 273 millas náuticas que supón darlle a volta á illa de Arousa, fixo o triángulo Bao-Vilanova-Cabodeiro-Cabo Verde 15 veces quilla arriba coa tripulación (patrona e proela) completamente enchoupada (co peso extra que esto supón para a embarcación restándolle 3,405 nudos de velocidade) e rematando a regata co aparellamento da dorna varada na praia do Bao. Todo esto en 27 segundos (batendo o récord do ano 1925). Parabéns.

    ResponderEliminar
    Respostas
    1. moito cachondeito temos coa laverca, eiiin????
      a ver se nos imos enfadar e suspendemos o espestáculo e logo tendes que tragarvos as regatas así, a secas, co aburridas que son

      Eliminar
    2. A redacción do Faro de Vigo pide desculpas polos erros cometidos na información da regata recollida no artigo publicado no xornal do pasado día 18 de agosto. Tamén pedimos sentidas desculpas á tripulación da Carinhosa por crerse vencedores da Volvo Ocean Race. Felicidades a todas as góndolas que participastes na regata.

      Eliminar
    3. desculpadas por terdes sentido do humor ;)

      Eliminar

a falar a xente se entende