domingo, 15 de xuño de 2014

Primeira Pole!!

A manhá foi dura. Aínda que a maioría só atendestes à essa temperatura perfecta para ir de praia, a realidade é que o vento refacheado e ben fersquinho facía complicada e técnica a primeira regata do Mundial de Dornas, a Regata dos Faros, d'O Grove.

Protección Civil tivo que preparar um dipositivo especial, propio de cicloxéneses.
Até nos enviaron o helicóptero para recoller as velas que saisen voando...
O caso é que a ENT Dorna enviou unha representación, porque n'O Grove organizarán os desembarcos que queiran, mais a piratas non hai quen nos ganhe; por algo somos carcamáns!

Ai mimá!, que barulho de saída!!
Larri sempre leva na súa Bazarra xente á que aprenderlle cousas novas.
Unha vez que desenredou a vela, a Caramecha chegou quinta...
Aínda que non o pareza, a Javiota non comeu as pedras.
A Zenaida ghanoulle a partida ao vento.
A Maristela ghanou o premio à vela mais planchada.
E tachán tachán!!! Aquí chega o importante!!

O notisión!!

A Mimela comprobando que TODAS as dornas quedaban atrás!
Pois si: debemos confirmar e confirmamos que HERR DIREKTOR Salva e ou seu comandante Lino ganharon a primeira Regata do ano e deberán loitar desde xa para manter o liderado do campionato mellor que LaRoja e ao estilo da Laranxa. A ver se son quen!

Nada poden os piratas mecos ante a invasión carcamá!!
Calquera lle tuse esta semana ao xefe...



As imaxes roubámolas do feisbu de Richy O Rei. Obrigadas.

1 comentario:

  1. me llena de orguullo i satisfacion (veseme ven na cara) ghanar unha rejata,,,,e punto.
    bonita pilicula blogheira noraboa

    ResponderEliminar

a falar a xente se entende